Eleberri honetan, izua, thriller psikologikoa, euskal mitologia eta arlo soziala batu ditugu. “Road movie” atmosferaz gain, marrazki eta argazki ugari du. Istorio iluna eta gizatiarra da oso, erruaren, beldurraren eta askatasunaren mugak aztertzen baititu.
Argia desagertu zenetik, Adrian burua altxatu ezinik dabil, eta youtuber gisa gainbehera doa. Izan ere, neska-lagun ohiari gertatutakoagatik errudun sentitzen da. Iraganari ihes egin nahian, Pirinioetara bidaiatuko du, baina… ez du inolako bakerik aurkituko bertan. Ahaztutako santutegiak, iluntasuneko xuxurlak eta antzinako madarikazioak sorgin-gurpilean murgilduko dute.
Errealitatearen eta amesgaiztoaren arteko muga desitxuratzen denean, benetako munstroa uste baino hurbilago dagoela uler dezakegu.
Unai Gonzalez: “Liburu honek nire diseinu-habilezia guztiak batzen ditu: zinema-areto tetrikoari lotutako argazki-erakusketatik ibiltzea bezalakoa da, eta zirriborro-koaderno zaharra daramagu soinean… Horrelako eleberriarentzako atmosferarik paregabeena deritzot”.
9788412777680 | 978-84-12777-68-0
